திருத்தந்தையின் முழக்கம்

“இறைவேண்டல் என்பது பிறரன்பின் அடித்தளம். அது இறைவனுடனான உறவை வலுப்படுத்தி, பிறருடன் பகிர்ந்துகொள்ள வேண்டிய அன்பைப் பெறுவதற்கான வழியாக அமைகிறது.”

அக். 12,  உரோம் நகரின் ‘புனித பேதுரு வட்டம் ‘ உறுப்பினர்களுடன்...

“அதிகாரத்தைவிட சேவைக்கும், தனிப்பட்ட இலாபத்தைவிட வெளிப்படைத்தன்மைக்கும், தனிப்பட்ட வெற்றியைவிட மேய்ப்புப் பணிக்கும் திரு அவை முன்னுரிமை அளிக்கவேண்டும்.”

அக். 10, அந்தியோக் கிரேக்க மெல்கைட் திரு அவை ஆயர் பேரவையினருடன்...

“கலை என்பது வெறும் அழகு சார்ந்தது மட்டுமல்ல; மாறாக, நற்செய்தியைப் பறைசாற்றுவதற்கும் மனிதகுலத்தின் பகிரப்பட்ட கலாச்சாரப் பாரம்பரியத்தைப் பாதுகாப்பதற்குமான ஒரு கருவி.”

அக். 10, பிஸோட் குழுவின் உறுப்பினர்களைத் திருப்பீடத்தில் சந்தித்துபோது...

“மரண தண்டனை என்பது ஒவ்வொரு மனிதரின் வாழ்வின் மீறப்பட முடியாத தன்மைக்கும் மனித மாண்பிற்கும் எதிரான தாக்குதல்.”

 அக். 10, மரண தண்டனைக்கு எதிரான உலக நாள், ‘எக்ஸ்’ வலைதளப் பதிவு

“கிறித்தவ மகிழ்ச்சி உலகின் மீட்பிற்காக இறைவன் அளிக்கும் கொடை. தவறான புரிதல்களையும் நிராகரிப்புகளையும் எதிர்கொள்ள நேர்ந்தாலும், அந்த மகிழ்ச்சியை மற்றவர்களுடன் தொடர்ந்து பகிர்ந்து கொள்ளவேண்டும்.”

அக். 11, மூவேளை இறைவேண்டல்,  புனித பேதுரு பெருங்கோவில் வளாகம்

“கிறிஸ்துவைப் பின்பற்றுவது உண்மையான சுதந்திரத்தையும், வாழ்க்கைக்கான விரிந்த பார்வையையும் கொடுக்கின்றது.”

அக். 5, இளையோர் தினத் தயாரிப்பாளர்களுக்குத் திருத்தந்தை உரை

“அதிகாரம் என்பது வெறுமனே ஆணையிடுவதோ அல்லது அதிகாரத்தைப் பயன்படுத்துவதோ அல்ல; மாறாக, பிறரைப் பாதுகாப்பது, அவர்களின் குரலுக்குச் செவிசாய்ப்பது. குறிப்பாக, பாதிக்கப்படக் கூடியவர்களுக்கும் உதவி தேவைப்படுவோருக்கும் துணையாக இருப்பதே உண்மையான அதிகாரத்தின் வெளிப்பாடு.” 

அக். 3, ஜெண்டார்மெரி படையினருக்கான திருப்பலி மறையுரை, வத்திக்கான்

“பராமரிப்புக் கலாச்சாரம் பொருள்கள் மற்றும் உற்பத்திப் பொருள்களுக்கு மட்டுமல்லாமல், மனித உழைப்பு மற்றும் மனிதர்களின் மீதும் அக்கறை செலுத்துவதாக இருக்கவேண்டும்.”

அக். 1, ஹெரா குழுமத்தின் பிரதிநிதிகளுக்குத் திருத்தந்தை உரை, வத்திக்கான்

“கடவுளின் மகனாக வந்த இயேசு சிலுவையில் கொல்லப்பட்டாலும், அந்தச் சிலுவை மரணத்தையே கடவுள் மனிதகுலத்தின் மீட்பிற்கான வழியாக மாற்றினார்.”

அக். 4,  மூவேளைச் செபவுரை, புனித பேதுரு பெருங்கோவில், வத்திக்கான்

“உண்மையான கலை என்பது வெறும்  துணை அம்சம் அல்ல; மாறாக, மனித இதயத்தின் ஆழமான கேள்விகளுக்குப் பதிலளிப்பதாகவும், உண்மை, அழகு, நீதி, அமைதி மற்றும் வாழ்வின் பொருள் குறித்த மனிதர்களின் தேடலை வெளிப்படுத்துவதாகவும்  கேட்பதற்கான ஒரு முக்கியமான தளமாகவும் உள்ளது.” 

அக். 2, கலாச்சாரம் மற்றும் கல்விக்கான கலைஞர்களுக்கு உரை, வத்திக்கான்

“மன்னிப்பு மற்றும் நல்லிணக்கத்தின் வழியே அமைதியை உருவாக்குவோம்.”

செப்டம்பர் 28,  புனித ஸ்தேவான் பேராலயம், மெட்ஸ்

“துன்பத்தின் நடுவிலும் நம்பிக்கையும் சேவையும் மலர்கின்றன.”

செப்டம்பர் 27, அக்வெல் நோட்ரே-டேம் (Accueil Notre-Dame) லூர்துநகர்

“காயமுற்றும் தனிமையிலும் வாடும் மக்களுடன் அரவணைப்புடனும் கருணையுடனும் கனிவுடனும் உடனிருப்பதே கிறித்தவ அழைப்பு.”

செப்டம்பர் 27, மாலைத் திருப்புகழ் மறையுரை, நோட்டர்-டாம் பேராலயம், லூர்து

“ஒவ்வொருவரின் வாழ்க்கைப் பயணத்தையும் அவரவரின் வேகத்தையும் பொறுமையுடனும் சகோதர அன்புடனும் மதித்து, ஒன்றாக நடக்க கிறித்தவர்கள் அழைக்கப்படுகின்றனர்.”

செப்டம்பர் 27, மாலைத் திருப்புகழ் மறையுரை, நோட்டர்-டாம் பேராலயம், லூர்து

“உரையாடல் நமது அடையாளத்தைப் பலவீனப்படுத்துவதில்லை; மாறாக, பிறரின் வேறுபாடுகளுக்கு நம்மைத் திறந்து வைத்து, நமது நம்பிக்கையை உண்மையுடனும் எளிமையுடனும் வெளிப்படுத்த உதவுகிறது.” 

செப்டம்பர் 27,  திருத்தந்தை உரை, மாநாட்டு மையம், மெட்ஸ்

“இறைவனின் சாயலிலும் உருவிலும் படைக்கப்பட்ட மனிதர், தனது அறிவு மற்றும் சுதந்திரத்தின் மூலம் உலகின் முன்னேற்றத்திற்குப் பங்களிக்கிறார். மனிதரின் சாதனைகள் இறைவனுக்கு எதிரானவை அல்ல; மாறாக, அவை இறைமகத்துவத்தின் அடையாளங்கள்.”

செப்டம்பர் 23 , புதன் பொது மறைக்கல்வி உரை

“டிஜிட்டல் காலத்தில் நற்செய்திக்கு ஏற்ப வாழ்வதற்கான வழிகாட்டியாக இறைவனின் இரக்கத் திட்டம் திகழ்கிறது.”

உரோமையில் நடைபெற்ற முதல் AI4Peace அனைத்துலக மாநாட்டிற்குத் திருத்தந்தையின் உரை

“கலாச்சாரம் குறிப்பாக, விளையாட்டு மற்றும் கலை, மக்களை ஒன்றிணைத்து உரையாடலை வளர்க்கும் வாய்ப்புகளை உருவாக்குவதுடன், மனிதநேய விழுமியங்களை அனைவருக்கும் எடுத்துரைக்கும் உலகளாவிய மொழியாகவும் திகழ்கின்றன.”

செப்டம்பர் 21, கலாச்சாரம் மற்றும் கல்விக்கான திருப்பீடத் துறையின் பணியாளர்களுக்குத் திருத்தந்தையின் உரை

“அழைத்தல்கள் அமைப்புத் திட்டங்களிலிருந்தோ, கவனமாகத் திட்டமிடப்படும் பிரச்சாரங்களிலிருந்தோ உருவாவதில்லை; மாறாக, செபம், நற்செய்தியோடு நெருக்கமான உறவு, அமைதி, ஒருவரையொருவர் அவர்களின் குறைகளோடு ஏற்றுக்கொள்ளும் மனப்பான்மை, ஒன்றிப்பை வளர்க்கும் சமூக உணர்வு ஆகியவற்றிலிருந்தே அவை உருவாகின்றன.”

செப்டம்பர் 21, இத்தாலிய ஏழை கிளாராம்மாளின் கப்புச்சின் சபை அருள்சகோதரிகளின் பிரதிநிதிகளைத் திருப்பீடத்தில் சந்தித்தபோது திருத்தந்தையின் உரை

“விளையாட்டு, உயர்ந்த மற்றும் உண்மையான மதிப்புகளைக் கற்றுத்தரும் சிறந்த கல்விசார் கருவி மற்றும் விளையாட்டில் பங்கேற்பது தீவிரமான அர்ப்பணிப்பையும் கடின உழைப்பையும் கோருகிறது.”

செப்டம்பர் 19,  இத்தாலிய விளையாட்டு வீரர்களைச் சந்தித்தபோது திருத்தந்தையின் செய்தி            

“நூலகம் என்பது வெறுமனே நூல்கள் நிறைந்த அமைதியான இடமல்ல; அது உண்மையைத் தேடவும், கருத்துகளைப் பகிரவும், உரையாடலை வளர்க்கவும் உதவும் இடம்.”

செப்டம்பர் 14, வத்திக்கான் அப்போஸ்தலிக்க ஆவணக் காப்பகத்திற்கும், அப்போஸ்தலிக்க நூலகத்திற்கும் சென்று திருத்தந்தை ஆற்றிய உரை

“ஒரு போட்டியில் ஒரு தரப்பு வெற்றிபெறும்; மற்றொரு தரப்பு தோல்வியடையும். ஆனால், போரின் பின்னால் மக்கள் உயிரிழக்கின்றனர்; வாழ்நாள் முழுவதும் காயங்களுடன் வாழ்கின்றனர்; அச்சத்தில் தவிக்கின்றனர்.”

செப்டம்பர் 11, கார்கிவ்-ஜபோரிஜியா மறைமாவட்டத்தின் ஆயர் பாவ்லோ, ஹோன்சாருக் திருப்பீடத்தில் திருத்தந்தை லியோ அவர்களுடன் உரையாடல்

“ஒவ்வொருவரின் தனித்துவமும் ‘அனைவருக்கும் ஒரு செல்வமாக’ மாறும் வகையிலான ‘ஆன்மிக ஒன்றிணைந்த பயணம்’ மிகவும் முக்கியமானது.”

செப்டம்பர் 12, Communio Internationalis Benedictinarum (CIB) அமைப்பின் கருத்தரங்கில் பங்கேற்றவர்களைத் திருப்பீடத்தில் சந்தித்தபோது...

“மன்னிப்பு என்பது வெறுப்பு, பிளவு, வன்முறை ஆகியவற்றை எதிர்கொண்டு, அமைதியையும் அன்பையும் வளர்க்கும் ஆற்றல் கொண்டது.”

செப்டம்பர் 13, ஞாயிறன்று  வத்திக்கான் புனித பேதுரு பெருங்கோவில் வளாகத்தில் மூவேளைச் செபவுரையின்போது...

“நமது காலத்தின் முன்னேற்றம் புதிய அழிவுகளை உருவாக்காமல் குறிப்பாக, மிகவும் தேவையில் இருப்பவர்களுக்குப் பாதுகாப்பான இல்லமாகவும் அடைக்கலமாகவும் அமையவேண்டும்.”

Fratelli tutti: வத்திக்கானில் வடக்கு - தெற்கு சமூக - சுற்றுச்சூழல் உரையாடல்

“மரியாவின் எளிய உடனிருப்பும், அவருக்குள் இருந்த திருமகனின் உடனிருப்பும் வரலாற்றையே மாற்றுகின்றன.”

செப்டம்பர் 07, நல்லாலோசனையின் அன்னை திருத்தலம், ஜெனாசானோ

“அமைதி என்பது இறைவன் அளிக்கும் கொடை; உயிர்த்தெழுந்த ஆண்டவரின் உயிர்மூச்சு; தூய ஆவியாரின் செயல்பாடு.”

செப்டம்பர் 07, நல்லாலோசனையின் அன்னை திருத்தலம், ஜெனாசானோ

“குடும்ப வாழ்வு இரு மிகப்பெரிய அற்புதங்களாக வாழ்வையும் அன்பையும் வழங்குகின்றன.”

செப்டம்பர் 05,  வத்திக்கான் பணியாளர்கள் மற்றும் அவர்களது குடும்பங்களுடன் திருத்தந்தை சந்திப்பு

“ஒருவருக்கொருவர் நாம் செலுத்த வேண்டிய ஒரு கடன் உள்ளது; அது நம்மை அடிமைப்படுத்தாது.”

செப்டம்பர் 06, நண்பகல் மூவேளை இறைவேண்டல் உரை,  புனித பேதுரு பெருங்கோவில் வளாகம்

“கிறிஸ்துவில் இறைமக்களை ஒன்றிணைக்கும் நற்கருணையானது, அன்பில் திரு அவை ஒன்றிப்பின் ஆன்மிக வாழ்வுக்கு அழைப்பு விடுக்கிறது.”

செப்டம்பர் 05, தூய ஆவியார் கூட்டமைப்பின் 50-ஆம் ஆண்டுத் தொடக்க விழாவை முன்னிட்டு  தூய நற்கருணையின் சபை சகோதரிகளைத் திருப்பீடத்தில் சந்திப்பு, இத்தாலி